Binnekort versjiene hiej de tekste van alle Neelder leedjes die oppe leedjesaovend zeen gebrach.
ÓÓÓH MIEJ, ÓÓÓH MIEJ - DE KLOEKERS
------------------------------------------------------------------------------------
Zang : Peter, Ruud en Maurice
Teks : Henk Rademaekers
Kompeziesie : Tof Deckers
Neutjes : Tof Deckers
------------------------------------------------------------------------------------
Refrein:
óóóh Miej, óóóh Miej, óóóh Miej, och blief nog efkes hiej
dan haol ich flot ein heudje en de blaoskepel d’rbiej
veer trekke door de sjtraote, mit trómmeleers veurop
en blaos mit al mien maote, dich de zorge oet de kop
taederettetettetae, noe zegk mich toch neet: nae
óóóh Miej, óóóh Miej, óóóh Miej, och blief nog efkes hiej
dan haol ich flot ein heudje en de blaoskepel d’rbiej
Koeplette:
ich haaj neet van ein duuster lóch en minder nog van raege
de rame aop en in d’n toch, dao kin ich gaar neet taege
mer duujt de zón de wolke weg, krieg Limburg weer ein kleur
dan sjtaon ich mit mien blaoskepel biej dich zo veur de deur
taederettetettetae, noe zegk mich toch neet: nae
ós muzikante sjpele top, al waerd ’t noojt ’n teen
dan zal ’t op zien zaachs gezag, ein ellef mótte zeen
veer gaeve waat v’r kinne mer en sjpele ós partiej
van taederae toet hoempapa, dus blief nog efkes hiej
taederettetettetae, noe zegk mich toch neet: nae
d’n optoch veurt de baovetoon, dao kinne veer neet boete
en ederein dae vindj ’t sjoon, zich daobiej aan te sjloete
gein meujte is ós dan teväöl en daoróm gein gezeur
nog vief menute loupe en ich sjtaon weer veur dien deur
taederettetettetae, noe zegk mich toch neet: nae
WO ZÓLLE ZE ZEEN - BIENAO TE LAAT
------------------------------------------------------------------------------
Zang : Bienao Te Laat
Teks : Ton Custers
Kompeziesie : Ton Custers
Neutjes : Ton Custers
------------------------------------------------------------------------------
Refrein:
wo, wo, wo wo wo wo zólle ze zeen
miene hood mit det klein vaerke en dae grote nondedjuuj
wo, wo, wo wo wo wo zólle ze zeen
die valse träöt van ome Karel en diej feep van tante Truuj
wo, wo, wo wo wo wo zólle ze zeen
ich höb ze örges in ein deuske weg gezat
mer wo det deuske noe weer is
doe dachs toch neet det ich det wis
kinse mich effe helpe zeuke leve sjat
Koeplette:
de allereerste joekskepel die trok weer door de sjtraot
verkleijd es halve gare en zie lepe oet de maot
hae zoog die halve gare en hae dach ’t is weer tied
mer ’t deuske mit zien vastelaovespak det woor hae kwiet
hae wis det mót hiej örges sjtaon
hae haaj ’t zelf toch weg gedaon
vol van goje mood ging hae op zeuk
en hae zóch in alle heuk (en heukskes)
dae hood mit det klein vaerke en dae grote nondedjuuj
ich raak ’t noojt meer kwiet es ich ze in ein deuske duuj
det deuske kin den veilig in ein heukske örges sjtaon
zodet ich volgend jaor dan drek de sjtraot weer op kan gaon
hae haaj det veurig jaor bedach
dus hae haaj dit neet verwach
vol van goje mood ging hae op zeuk
en hae zóch in alle heuk (en heukskes)
Inj:
is det det deuske mit det lintj
desse ouch rooks mit taege-windj
det höb ich veurig jaor, drek nao asgoonsdig
sjmorges vreug, wiejs doe nog loogs te sjnurke wiej ein verke
biej de voelnis neer gezat
leve sjat
OZEL AAN DE MOZEL - FRANK SCHEEPERS
-----------------------------------------------------------------------------------
Zang : Frank Scheepers
Teks : Frank Scheepers
Kompeziesie : Tof Deckers
Neutjes : Tof Deckers
-----------------------------------------------------------------------------------
Refrein:
veur mich geine wien aan de rien
en al gaaroet gein tekielja in Sevielja
drie daag Peries, die zeen neet wies
gezjwege van dae ozel aan de Mozel
In bön zo bliej, ich bön zo bliej, want ich blief hiej
In bön zo bliej, ich bön zo bliej, want ich blief hiej
Koeplette:
´t kos ´t de eerste sjnipperdage van ´t jaor
toch valle mich die daag neet ech zo heel erg zjwaor
want vastelaovend miense, is veur mich get sjieks
al vinje anger luuj det gek gedoons mer nieks
mit vastelaovend waere die gek in de boet
die pakke dan häör koffers en gaon d´r tösse-oet
dan gaon ze op fekansie mit de trein of bös
mer gluif ´t maar gerös, die komme neet toet rös
dao sjteis-se in de vraemde, en wits neet wohaer
dinks aan vastelaovend, dao woors doe toch zo gaer
pak gein koffers in, luuj, mer pak ins lekker oet
höb drie daag de kop los mit ein gesjmienkde sjnoet
’T VASTELAOVESVIRES - GEIN SJTUM PLUS
--------------------------------------------------------------------------------
Zang : Gein Sjtum Plus
Teks : Clemens Maessen
Kompeziesie : Clemens Maessen
Neutjes : Frank Timmermans
--------------------------------------------------------------------------------
Refrein:
ich höb ’t weer te pakke, ’t vires det vastelaovend hit
mit zjweit op miene kop, veul ich mich helemaol neet fit
ich höb ’t weer te pakke, ’t vires det vastelaovend hit
det hilt mich ech neet toes, ich gaon euveral haer mit
Koeplette:
ich veul mich neet zo lekker, ligk ozelend oppe bank
weit neet waat mich mankeert, maar veul mich heel erg krank
höb pien aan mien bein, miene kop en aan mien lief
en allemaol mien sjpiere die zeen beheurlik sjtief
maar zeen ich allemaol miense mit sjmienk op de sjnoet
dan waer ich get onróstig en roop: ich gaon weer oet
ich waas lets biej de tandjarts, want d’r waas get aan de handj
had pien in miene móndj, door ein of ang’re tandj
dae deej mich toch zón pien, ich sjleep d’r neet meer van
hae zag det ich „dit jaar de karnaval vergeten kan“
toen zoog ich allemaol miense mit sjmienk op de sjnoet
en waerde weer onröstig en reep: ich gaon toch oet
Refrein:
ich höb ’t weer te pakke, ’t vires det vastelaovend hit
mit zjweit op miene kop, veul ich mich helemaol neet fit
ich höb ’t weer te pakke, ’t vires det vastelaovend hit
det hilt mich ech neet toes, ich gaon euveral haer mit
al waas ich dan neet lekker, en dach ich bön de klós
toch gaon ich lekker droet want vastelaovend is begós
GAEF MICH SAMBA DO BRASIL - GET EN EIN BIETJE
----------------------------------------------------------------------------------
Zang : Yvonne Scheepers & Marjon Kanders
Teks : Henk Rademakers
Kompeziesie : Tof Deckers
Neutjes : Tof Deckers
----------------------------------------------------------------------------------
Refrein:
gaef mich de samba, gaef mich ’t laeve, gaef mich de samba tropical
geine dans geit mich d’r naeve, samba, samba karnaval
nieks te sjette, nieks te mele, gein song oet de mobiel
gaef mich de samba, sa sa sa samba
gaef mich de samba do Brasil
Koeplette:
kóm mit, dan danse veer de samba
noe blief neet aan de ziejkantj sjtaon
ich höb zón zin in väöl karamba
es alle bongotrómmels sjlaon
laot ’m noe mer ins lekker litse
vergaet de ganse santekraom
zolang de sjoon mer neet gaon pitse
nog geine samba euversjlaon
heur ich de sambafluitjes klinke
dan waerd opins ’t laeve lich
ich kin aan nieks es danse dinke
mer dan ’t leefs allein mit dich
HAI FAN LEI - HANNEN EN ALT
------------------------------------------------------------------------------
Zang : Hannen en Alt
Teks : Arnold Wassen
Kompeziesie : Arnold Wassen
Neutjes : Arnold Wassen
------------------------------------------------------------------------------
Refrein:
obel, obel, obel, bling mich nog ein glaeske beel
obel, obel, obel, vastelaovend is ein plachtig sjpeel
geine tied óm väöl te plakkezele
ich höb zin óm mich te ammezele
doot ein luntje, es ’t geit ein bietje gouw
en ein glaeske limmenade veul de vlouw
want Hai fan Lei vindj limmenade väöl te flouw
Koeplette:
ziene pap is eine jap en zien moder eine pruus
kiek dao sjteit d’r aan de tap, man doe wits neet waas se zuus
zjwarte haor mit blónje plekskes
hae it de borrelneut mit sjtekskes
mer de bokwórs it d’r mit de blote henj
Hai fan Lei dae veult zich toes aan alle kenj
en mit de vastelaovend zingt hae altied Neel blief Neel
en reup d’r: Obel doot dae Hai fan Lei ein glaeske beel
Hai fan Lei dae sjtaelt de sjo, want hae dans mit linke To
To houwt oppe dieke tróm, Han fan Lei velt bienao óm
zit opins op heite kaole
en belt dan: mutti, kóm mich haole
efkes later sjteit die mutti veur de deur
Hai fan Lei mót achterin en To moog veur
en To sjnap d’r gein jota van en dink: waat is mit mich
die mutti in kimono in Toyota gein gezich
VRUNJ - VEER TWEE
--------------------------------------------------------------------------------
Zang : Els Naus, Jos Habets
Teks : José Moonen-Habets
Kompeziesie : José Moonen-Habets
Neutjes : Hub Boesten
--------------------------------------------------------------------------------
Refrein:
veer zeen vrunj veur ’t laeve
veer zeen vrunj ein laeve lang
väöl plezeer en väöl dinger taege
veer es vrunj zeen daoveur neet bang
Koeplette:
op maondig sjtart de outo neet, op dinsdig de fiets kepot
op woonsdig eine doje kavieja en ein parkeerbón aan mien vot
dan bös doe altied dao veur mich, mit raod of ein loesterend oor
en zo kómme veer de waek weer door en veer zinge dan in koor
op dónderdig brandj ’t vleis mich aan, op vriedig val ich van de trap
op zaoterdig kump mien sjoonmoder en is de goudves mich óntsjnap
dan bös doe altied dao veur mich, mit raod of ein loesterend oor
en zo kómme veer de waek weer door en veer zinge dan in koor
op zunjig lekker früh-sjoppe, op maondig de bóks gesjeurd
op dinsdig waerd dan veur de twede keer de outo aafgekeurd
dan bös doe altied dao veur mich, mit raod of ein loesterend oor
en zo kómme veer de waek weer door en veer zinge dan in koor
ÓNGER DE RAEGEBAOG - OP GOOD GELÖK
------------------------------------------------------------------------------
Zang : Op Good Gelök
Teks : Wim Kemp, Etty & Peter Willemse
Kompeziesie : Wim Kemp
Neutjes : Jo Aubert
------------------------------------------------------------------------------
Refrein:
ónger dae sjone raegebaog, vinj se de kleur van vastelaovend
waere veer door ´t waer geplaog, sjteit dao inins dae raegebaog
zuus se dae bóntje raegebaog, dans se de ganse vastelaovend
en `t gelök kump óngevraog, ónger dae sjone raegebaog
Koeplette:
de wolke naeme kleure weg, de windj dae geit tekeer
en oet de hemel valle doezend dröppels op ós neer
maar de zón maak kleure, sjmienk op ós gezich
dees daag geit `t gebeure, ich fluuster taege dich
de baog sjteit döks gesjpanne, maar mesjien höb ich gelök
as ich mit dich nao baove klim en dich ein sjterke plök
same in de wolke, zjweve veer dao róndj
en roetsje dan nao ónger, mit twee veut oppe gróndj
DE VASTELAOVESTATTOE - PRINS & ADJUDANTE
---------------------------------------------------------------------------------
Zang : Prins en Adjudante
Teks : Wil Scheepers
Kompeziesie : Tof Deckers
Neutjes : Tof Deckers
---------------------------------------------------------------------------------
Refrein:
jao waat zaes doe dan noe
mer waat is det dan noe
waat is det dan noe
wo is dae tattoe noe
wo is dae tattoe noe
jao waat is det dan noe
waat eine pech
diene tattoe dae is weg
Koeplette:
dao somers in ’t zjwumbad, dao sjteit det toch zo sjtoer
de maedjes van dao achter, gaon door ein driesjteins moer
ze kieke nao dae tattoe oppe erm of oppe bein
ein ketje oppe biseps, oppe bors eine dolfijn
mer mit de vastelaovend, dan höb ich det neet gaer
en laot ich mich ins sjmienke, euver al die plaetjes haer
en wanjel ich ins boete, dan gaon ich zónger jas
de tattoe oppe polse, kump mich dan good van pas
ze kieke nao dae tattoe oppe knie of oppe voot
ein bendje óm de inkel, och det sjteit mich toch zo good
mer mit de vastelaovend, dan höb ich det neet gaer
en laot ich mich ins sjmienke, euver al die plaetjes haer
en saoves in de souna, dao zit ich veur de roet
de plaetjes oppe sjouwer, die kómme dan good oet
ze kieke nao dae tattoe oppe boek of oppe rök
en achter op mien batse sjteit ein maedje zónger zök
mer mit de vastelaovend, dan höb ich det neet gaer
en laot ich mich ins sjmienke, euver al die plaetjes haer
ALLES D’R OET - SJNAPS
------------------------------------------------------------------------------
Zang : SJNAPS
Teks : Theo v.d. Woude, Ronald Vorage
Clemens Maessen
Kompeziesie : Clemens Maessen
Neutjes : Hub Boesten
------------------------------------------------------------------------------
Refrein:
veer haole d’r oet waat d’r in zit, en gaon veurluipig neet nao hoes
veer wille sjoje en joetse, waat mótte veer daoróm toes
sjlaope, wasse, sjmienke en det alles in ein oer
sjpoje zól se mótte, want ’t is van kórte doer
Koeplette:
vastelaoveszaoterdig, ’t sjtartsjot van dees daag
plezeer en sjpas sjteit baovenaan in plaats van väöl geklaag
de kleine uurkes braeke aan, en veer sjtaon in de riej
ein sjoon resepsie haaj dae Prins, de daag is al veurbiej
op zunjig trek d’n optoch, waat ein sjoon geheel
maondig is ’t rundje Sjnaps, mit artieste hiej oet Neel
dinsdig dinkse biej dien eige, nog efkes d’r veur gaon
goonsdigmorge wilse weer, maar ’t is toch ech gedaon
Brök:
Ós geheim det moog geer weite, det vinje veer gein bezjwaor
Veur ein bietje te hersjtelle, kries se meistal ein gans jaor
