´t Is veurbie!

Prins Danny II: "Nog nooits höb ich de Vastelaovend belaef zo-es de aafgeloupe daag! Sins mien oetrope op 9 jannewari waas ’t eine sjtorm van vastelaovesgeweld. Springe, lache en plezeer make es Prins van de Katers in Neel is ech ein belaefenis!

Ich, mer ouch mien adjudante höbbe genaote van uch, de bóntje aovende, de geweldige optochte, de rundjes sjnaps en limenaad, en netuurlik ouch van alle felisitasies op mien resepsie. De sjoonste krejasies höbbe veer veurbie zeen kómme en de gooj sfeer en gezelligheid haet ós good gedaon! Neel moog greuts zeen op ziene Kater taegeneuver ‘t Betjesplein. Deze zorg veur väöl insjpirasie bie alle luuj in Neel en alle Neelse vereniginge.

’t Waas ein absolute eer óm es Prins van Neel deze Kater te moge vertaegewoordige! Ein paar ónvergaetelikke waeke zeen weer veurbie en veer kieke trök op ein sjoon vastelaovesseizoen. Met trots bedank ich dan ouch, same mit mien adjudanten en ós vrouwluuj, uch, Ketjes en Katers veur ’t waormake van miene liefspreuk:"

“Belaef ’t heel in Neel!”

Jeugprins Justinn I:
"Leef miense, Ketjes en Katers, veer vonje 't eine geweldig sjone tied en höbbe genaote van alles. Bedank allemaol."

"Katers Krolle, Ketjes Rock 'n Rolle"

 

 

 

 Kater-CD OrzjeNeel 6 te koup!!

Geer höb t'r lang op mótte wachte, mer noe is eindelijk de nuje VastelaovesCD van De Katers oet! Op Orzjeneel 6 sjtaon de 14 bèste Kater-leedjes van de aafgeloupe veer jaor. Besjtelle? Klik hie.

Sjpeel mit de Jeugprinsekepel!

Bösse ein bietje muzikaal en tösse de 9 en 15 jaor? D'r is altied plaats in de JPK! Kiek op de pagina van de JPK en meld uch aan op info@dekaters.nl !

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Bekiek oze fotogalerie